[转帖] 各行各業的 "禁忌"

dengxi6489

棺材鋪
開棺材鋪就梗係唔老禮,
最緊要嘅兩個禁忌, 就係
1)一定要係日落之前收工, 廢事啲遊魂野鬼走入嚟啦。
2)一定唔可以貪得意訓棺材, 生人訓死棺, 你哋話又幾唔老禮喇。
俾錢都唔制啦。


記者
通常啲意外嘅人通常都血跡斑斑,
面目全非吁架啦,聽講話記者去到意外現場,
千其唔可以講好核突呀, 對死者or 意外者不敬嘅說話,
如果唔係佢哋真係會跟住你。


空姐
以前嘅空姐通常都會養龜,
寓意『歸』來嘅意思,
因為好多時佢哋身在外地, 客死異鄉就唔好啦。


理髮鋪
理髮鋪依定嘢最多係乜？
鏡也！
中國傳統, 鏡不祥也,
如果你唔小心打破鏡, 我外婆話衰一年 。
所以舊嘅理髮鋪收工之前, 都會將毛巾cover 哂所有嘅鏡先會收鋪。
就係廢事俾啲鬼走入去。


警察
我諗好多人都聽過喇。
就係無論點都好, 晚上行beat , 千其唔可以除帽。
所以你哋睇佢哋追賊都係按住頂帽去追架。
點解關頂帽事？
聽講話帽頂頂花, 好大殺氣, 無鬼夠膽攪你。
仲有就係係凶殺案現場, 都會莊住香先。
等被害嘅『人』幫吓手, 等佢快啲尋冤得雪


演員
如果演員要拍死嘅戲,
拍完之後就一定要囉利是,
囉嘅時候導演仲要同你講, 『做戲嘅啫』
廢事啲鬼信以為真, 咁你就大件事lu


導遊
帶團通常最多時間同團友一齊嘅時間
就係係架巴士度。
係巴士度, 導遊就梗係吹吓水, 唱吓歌, 講吓鬼古。
但聽講話如果去緊一間酒店嘅journey
就唔可以講果間酒店嘅鬼古。
因為啲酒店閑閑地幾百年歷史,
覺得你對佢不敬就唔好啦。


搭棚
唔好睇小依個行業呀,好多裝修重建都係要搭棚架。
搭棚師傅成800蚊一日, 開足工幾皮嘢一個月。
原來搭棚嘅竹, 分新竹同舊竹。
所有臨搭棚嘅竹, 都要莊香拜過1日1夜先可以上棚。
如果唔係就好容易會有意外咁話。


巴士司機
好似係車廠出車之前, 響一次大『安』
目的都係叫啲朋友仔落車, 俾啲晨光第一線照親就唔好啦。


救生員
老一輩嘅救生員, 都覺得有人遇難,
除咗泳術唔掂之外, 都會覺得係水鬼作怪。
如果佢哋救咗一個人上水, 就算真係無咗氣都好,
都要係佢哋耳邊不停講,
『你未死架, 你都未斷氣, 快啲醒番之類嘅說話』
目的就係想等啲水鬼信以為真, 離開遇難者。
咁佢哋就可能會救得番。


騎師
騎師o既禁忌呢~~~
就係騎師裝束上任何一樣o野都唔可以『掛』,
尢其尢其係對掛鞋(音-her),

掛her 即係retire, 離開馬場也。
聽講話幾年前有個好出名o既騎師唔信邪,
掛o左對her , 之後一落埸隻馬突然癲o左
個騎師跌o左落馬, 斷o左條大骨
從此係馬場上拜拜。


仵作
乜o野係仵作, 仵工？
o拿, 每當啲人死o左, 都有人嚟收拾條『咸魚』o架
仵工, 就係o果o的咁偉大o既人。
佢o地仲有一樣o野做, 就係將o的舊o既『咸魚』係棺木度囉起上嚟,
削骨去肉, 之後去入金塔呀or 入火化, 再放係骨灰堂恭放。
o的咁敏感嘅行業, 細嘅禁忌講三日都講唔哂
咁我不如講個最緊要嘅禁忌俾大家聽。
就係無論點都好唔可以唔見o左『人o地』身體o既任何一塊骨。
如果唔係就會得到同樣嘅報復。
我個朋友話, 有個仵工唔小心唔見o左『人o地』個下巴。
又唔向『人o地』say 個大sorry ,
之後一個星期發生交通意外, 成個身一個傷口都無,
剩係撞(luck)o左成個下巴, 你o地話得唔得人驚？
我聽到心都寒哂~~~~~~~


黃大仙解籤佬
其實依個行業o既禁忌, 我真係覺得幾無聊,
之不過搵o左就順手打出嚟,
各位大佬千其唔好串我, 因為唔關我事o架。
黃大仙解籤佬嘅禁忌,
就係唔可以講大話,
even 有個病到半死嘅人, 求到健康o既下下籤,
都一定要講出真相, 依籤直說
如果唔係就會應驗係自己度。
聽落我覺得似係專業操守, 多過係禁忌。


漁民
十個漁民十個都信天后,
希望風條雨順。
初一十五食齋呀, 依o的我諗個個都會知。
但係佢o地有一個禁忌,
就係如果捉到一種叫做『車輪魚』嘅魚,
一定一定要掉番落海放生,
聽講話捉到都已經會行衰運,
如果唔信邪, 分分鐘連命都無。
所以係街市, 大家從來都未聽過依種叫『車輪魚』嘅魚,
就係咁解喇。


的士司機
其實依個禁忌, 我諗依家搵食艱難,
已經變得再唔係一個禁忌,
寧願無錢定見鬼, 我諗宜家真係驚無錢多o的。
佢o地o既禁忌就係唔想駕入掘頭路,
驚有入無出, 好容易掉頭o既時間見到污漕o野。
之不過好多司機, 驚無tips 已經唔會再信乜o野禁忌lu。